Þú þarft að uppfæra flash spilarann þinn og/eða kveikja á javascript.

Pétur Poppari

Pétur Poppari

Pétur Poppari

Kristján Hreinsson

Snið MP3 64



Útgáfuár:
2009
Útgefandi:
Hljóðbók.is
Lengd:
582

Pétur Poppari er frásögn af lífshlaupi þessa magnaða tónlistarmanns, Péturs Wigelund Kristjánssonar. Víða er komið við og eitt er víst: Saga hans er einstök og lætur engan ósnortinn. Hún skilur svo mikið eftir í hjörtum okkar að við hlæjum ýmist eða grátum þegar við hlustum á hana.


Pétur var goðsögn í lifanda lífi. Hann var hinn fullkomni holdgervingur hippakynslóðarinnar, að því undanskildu að hann notaði aldrei dóp, og hann var samnefnari fyrir allt það flippaðasta sem rokksaga Íslands hefur að geyma. Þegar rituð er saga manns sem var svo skemmtilegur að hann gat látið hörðusu freðhausa hristast af hlátri og hafði svo mikil áhrif á mótun kynslóðar sinnar að ennþá lifa taktar og ennþá óma orð sem hann lét falla, þá verður sú saga aðeins sögð með því að láta flest allt flakka.


Bókin er hljóðskreytt með tóndæmum frá Pétri og hljómsveitum hans, og nokkuð stytt. Höfundinn, Kristján Hreinsson, skáld, þarf vart að kynna. Hann hefur fyrir löngu sannað sig sem ljóðskáld, rithöfundur, leikritahöfundur, skáldsagnahöfundur, söngtexta- og lagahöfundur. Gísli Rúnar Jónsson leikari sér um lestur.

A Á B C D Ð E É F G H I Í J K L M N O Ó P Q R S T U Ú V W X Y Ý Z Þ Æ Ö 0..9