Seinni plata Daysleeper er platan sem sýnir þeirra rétta andlit og er óhætt að segja að fyrri platan Evealice hafi gefið fólki algjöra ranghugmynd um hljómsveitina, enda þeirri plötu hent í gegn á methraða og bara lögð áhersla á vinsældir. Á Daysleeper brjótast drengirnir fram í góðum og vönduðum lagasmíðum og textagerð. Sverrir Bergmann sýnir loksins smá hluta af getu sinni þarna og er greinilegt að hann á heima í rokktónlist en ekki poppi. Fyrir mér er Unattended á top 10 listanum mínum yfir bestu lög sem ég hef heyrt. Ég mæli eindregið með þessari plötu fyrir alla sem hafa gaman af rokki með smá poppi í.