Upp og niður stigann er plata sem kemur mikið á óvart. Við fyrstu hlustun rennur hún ljúflega í gegn. Við þriðju hlustun er hins vegar kominn valkvíði, valkvíði á hvaða lag eigi að hlusta á. Bestu lög plötunnar eru tvímælalaust þau lög sem hafa heyrst í útvarpi undanfarið, Fyrir utan gluggann þinn og Vatnið rennur undir brúna auk titillagsins sem greip mig við fyrstu hlustun á plötuna og varð það lag sem ég hlustaði á aftur og aftur fyrstu dagana. Viðlagið er grípandi líkt og búið sé að gera nýtt "Orginal". Maður sá í hvað stefndi þegar "Fyrir utan gluggann þinn" fór í spilun í haust og "Vatnið rennur undir brúna" minnir um margt á hálfnafna þess lags "Vatnið" frá 2003 þó lögin séu í eðli sínu ólík þá virka þau á mann á vissan hátt sem náskild. Þau lög sem komu síðan lúmsk inn eru lagið "meira en nóg" og "Alltaf hægt að sofa seinna" en það læðist að manni sem mjög sjarmerandi rokkballaða. Önnur lög eru mjög áhugaverð. Í einu orði sagt frábær plata og engan bilbug að finna á Sálinni frekar en fyrri daginn. Friðbert Elí Friðbertsson

Já til hamingju með nýja afkvæmið Sálarmenn. Það er gaman að hlusta á þessa plötu því hún tekur á öllum stefnum ykkar finnst mér, rokk, pop, gospel, symfó, o.fl. Öllu hrært í eina plötu og útkoman hreint frábær eins og alltaf. *****