Hér er ein grípandi tónsmíð á ferð og höfundur notar djassskotnar hljómsetningar í bland við strúktúr poppklisjunnar með bara helvíti fínum árangri. Pródúseringin og eftirvinnslan er óvenju fagmannlega unnin þótt hún komi greinilega ekki úr hágæðastúdíói og hljóðfæraleikur til sóma. Lagið líður því miður fyrir óspennandi uppbrotskafla með gítarsólói og hefði mátt leggja meiri vinnu í þann hlutann en það sem heldur því uppi er sterkt vers og viðlag og frábær frammistaða Þorvalds, sem text að halda laginu á floti þrátt fyrir slæman texta. En það er gott mojo í þessu lagi og ég fíla það einum of vel til að láta galla þess fara í taugarnar á mér.

Það var mikið! Ekkert heyrst frá piltinum í langan tíma, en svo kemur hann fram með stæl. Þetta er vonandi (og væntanlega) bara upphafið að góðum ferli.

Þorvaldur Davíð hefur lengi verið meðal okkar fremstu söngvara af yngri kynslóðinni. Ég hef sjálfur lengi beðið eftir sóloverkefni frá honum og þetta lag stóð undir öllum mínum væntingum. Melódískur sumarsmellur sem kemur manni í gott skap. Valdimar Kristjónsson sýnir það með þessu lagi að þar er á ferðinni lagahöfundur á uppleið.

Er idda eikkað djók?;-) Þetta er gebbað lag, ég trúði ekki að þetta væri íslenskt þegar vinkona mín leyfði mér heyra (",) Ekki skemmir fyrir hvað flytjandinn er zætur;) $%&8

Með þessu lagi hefur Þorvaldur Davíð lyft orðinu "hittari" upp á hærra plan. Þetta lag er sannkallað snitzel.