Artists » Anna Pálína Árnadóttir og Aðalsteinn Ásberg Sigurðsson » About artist
Anna Pálína Árnadóttir og Aðalsteinn Ásberg Sigurðsson
Anna Pálína Árnadóttir og Aðalsteinn Ásberg Sigurðsson
Anna Pálína Árnadóttir
Anna Pálína Árnadóttir er fædd árið 1963, hún hefur á undanförnum árum náð að skapa sér sérstöðu meðal íslenskra söngkvenna sem einkennist af túlkun hennar á ljóðum íslenskra skálda, enda segist hún einbeita sér að því að draga fram "ljóðið í lögunum". Á efnisskrá hennar er að finna allt frá hefðbundinni norrænni vísnatónlist yfir í íslensk sönglög, þjóðlög, barnatónlist, sálma og djasstónlist. Anna Pálína stundaði nám við Tónlistarskóla FÍH og hjá einkakennurum, innlendum sem erlendum. Hún er einnig menntaður kennari. Hún hefur haldið tónleika víða um land og verið fulltrúi Íslands á norrænum tónlistarhátíðum. Árið 1994 fór hún í tónleikaferð til Álandseyja og sumarið 1997 gerði hún víðreist um Norðurlönd ásamt hljómsveit sinni. Sumarið 1999 var hún og hljómsveit hennar fulltrúar Íslands á Norrænu tónlistarhátíðinn í Nuuk á Grænlandi. Af tónlistarflutningi hennar fyrir börn má nefna dagskrána Ljóðið í laginu hjá "Tónlist fyrir alla" og dagskrána Berrössuð á tánum fyrir leikskóla.