Laugardaginn 27. júní ætla Hjaltalín og Rás 2 að slá upp ærlegri veislu á Nösu við Austurvöll í tilefni þess að Hróarskelduhátíð er rétt handan við hornið, en Hjaltalín mun einmitt spila á hátíðinni fimmtudaginn 2. júlí.

Hjaltalín mun hins vegar ekki vera ein um fjörið þetta ágæta laugardagskvöld á Nösu því í upphafi kvöldsins verður sýnd sérstök kvikmynd um Hróarskelduhátíðina auk þess sem hljómsveitin Sin Fang Bous mun sjá um upphitun og Gísli Galdur sér síðan um að halda stuðinu gangandi.

300 fyrstu gestir tónleikanna fá happdrættismiða og mun einn þeirra vinna flug og miða á sjálfa hátíðina.

Húsið opnar klukkan 21, miðinn verður á 1500 krónur og fer miðasala fram á midi.is og í verslunum Skífunnar. Allir þeir sem eiga miða á Hróarskeldu fá hins vegar frítt á tónleikana.

Frétt frá Popplandi

...Við minnum svo á Hróaskeldu síðu Tónlist.is