Ólafur Arnalds
Ólafur Arnalds hefur verið meðal áhugaverðustu tónlistarmanna landsins síðan frumburður hans, Eulogy for Evolution, kom út árið 2007. Hann blandar saman strengjum, píanói og rafmögnuðum áhrifum svo úr verður nýstárleg og forvitnileg súpa klassísks popps. Ætlunin er að færa klassíkina til þeirra sem ekki þekkja hana fyrir, enda eru fáir kunnugir klassískri tónlist sem ekki hafa verið að læra hana allt sitt líf. Ólafur hefur staðið í ströngu á tónleikaferðalögum sínum um heiminn undanfarið og fyllti hann á dögunum hið víðfræga Barbican Hall í London og stuttu síðar fengu Sigur Rós hann til að fylgja sér á Evróputúr. Tónlist Ólafs hefur verið vinsæl til notkunar í bíómyndum og auglýsingum og nýlega samdi hann tónlistina fyrir nýtt verk danshöfundarins Wayne McGregor, Dyad 1909.
Önnur breiðskífa Ólafs, "...and they have escaped the weight of darkness" kemur út í Apríl 2010